يبقي انت أكيد فاهم غلط

البوست ده مكتوب بدون ترتيب  للأفكار و بدون تحضير بس افتكرت شويت حاجات كده حبيت اوجهها لكل اللي رافضين النزول يوم الجمعة القادم 27 مايو و عايز أعرف رأيهم في الكلام ده
بس عندي طلب .. لو اقتنعت ابعت الكلام لصحابك اللي مش مقتنعين و لو مقتنعتش سيبنا نشتغل و متحبطناش و سيبنا نحلق بحرية

لما تشوف ناس ماتت قدام عينك و عارف مين اللى قتلهم و بقاله 4 شهور عايش حياته عادى جداً ... و انت مش فارقة معاك يبقي انت اكيد فاهم غلط؟

لما تعرف ان القناصة كانو بيتنقلوا في عربيات اسعاف و لسه مفيش حد لا من القناصة و لا من بتوع الاسعاف ولا وزير الصحة اتحاكم و انت قاعد و متكيف و مش نازل الميدان يبقي انت اكيد فاهم غلط

لما كل قتلة المتظاهرين لسه في اماكنهم و بياخدو ملايين و انت مش عايز تنزل يبقي انت اللي فاهم غلط .... 

لما تقرأ كلام علاء الأسواني عن مقتل اللواء البطران في المصري اليوم و برضه مقتنع ان الشرطة و الشعب ايد واحدة .... يبقي انت اكيد فاهم غلط
 

لما كل مديرين الهيئات و الشركات الفاسدين بيقبضوا مرتبات خرافية و انت تيجي تطالب العمال ميعبروش عن حقوقهم و لو بيوم اعتصام يبقي انت اكيد فاهم غلط .... 

لما يحيي الجمل عمال يحضر لحوار وطني كله من الحزب الوطني و بيعمل قانون للتصالح مع الفاسدين بدل ما يعمل قانون لمحاكمتهم سياسيا و انت قاعد في البيت متكيف ...... يبقي انت اكييد فاهم غلط

لما تعرف ان قيادات الداخلية كل اللي حصلهم بعد الثورة انهم غيروا أماكنهم ..... يبقي انت اكيد فاهم غلط

لما تروح ماتش للاهلي ولا الزمالك و تلاقي 50 عربية امن مركزي في الاستاد -بدون مبالغة- و في نفس الوقت مفيش توكتوك حتي  يروح مع مامور قسم الموسكي وكل البلد و الاعلام الوسخ يمسكوا في شجاعة المأمور و يسيبوا المصيبة ديه ..... يبقي اكيد هما فاهمين غلط

لما تلاقي وزير المالية داير يشحت من خلق الله و احنا عندنا الصناديق الخاصة بس فيها مئات المليارات و في ناس بتقول فوق التريليون يحلوا كل مشاكل البلد و انت موافق اننا نشحت ...... يبقي انت اكيد فاهم غلط

لما تعرف ان وزير البترول الجديد قرر يرفع سعر الغاز الي 4 دولار و هو سعره 15 دولار و المصيبة ان البلد بتستورد بوتاجاز و في ازمة سولار في البلد و انت لسه موافق ومش عايز تنزل معانا ...... يبقي انت اكيد فاهم غلط

لما تعرف ان في الاف الشباب اتحاكمو عسكريا بسبب مواقفهم و انت موافق ..... يبقي انت اكيد فاهم غلط

لما تفضل مصدعنا بكلام ان البلد لازم تتمسك بقبضة من حديد و أول لما القبضة تقرب منك  او من حد تعرفه تقول بلاش تنزل المرة دي ...... يبقي انت اكيد فهمتنا غلط

لما تعرف ان هيلاري كلينتون صرحت ان عائلة مبارك ليها ثروات في امريكا لم تحصر بعد و سويسرا لوحدها جمدت حوالي 2.8 مليار جنيه مصري  و لسه الاتحاد الاوروبي و دول الخليج معرفناش عندهم كام و تيجي ماما سوزان ترجع للبلد 24 مليون جنيه وتاخد افراج و حضرتك تقولي سيب العدالة تاخد مجراها و القضاء نزيه ....... يبقي انت اكيد فاهم غلط

لما تعرف انهم كانوا افرجوا عن زكريا عزمي ولما لقو الناس في الشارع هتموت من الخبر رجعوا حبسوه تاني و قالك اصل لقينا ورقتين جداد هنحقق فيهم و انت لسه مش مقتنع ان ديه تمثيلية .... يبقي انت اكييد فاهم غلط

لما تقرير لجنة تقصي الحقائق يقول ان العادلي المسئول الأول عن قتل المتظاهرين .... و المشير يقول ان كان في أوامر بضرب المتظاهرين و اكيد الاوامر من مبارك و لسه متحاكمش بتهمة قتل المتظاهرين و الخيانة العظمي و تيجي انت تقول ان العدالة بتاخد وقتها ...... يبقي انت اكيد فاهم غلط

لما تعرف ان اعلام بلدك اللي انت بتصرف عليه     قطع الحلقة عن بثينة كامل لمجرد انتقادها سياسات المجلس العسكري وانه مانع ظهورها في الاعلام و انت تقول مش مشكلة يبقي انت اكيد فاهم غلط

لما تعرف ان طلبة اعلام القاهرة اتفصلوا علشان طالبوا برحيل سامي عبد العزيز اللي قال ان الانتخابات في عهد مبارك نزيهة وكان بيطبل للنظام و تقول اللي يجي في الريش بقشيش ... يبقي انت  اكيد فاهم غلط

لما تبقي المجالس المحلية اللي فيها فساد للركب بشهادة زكريا عزمي و كلها وطني لسه زي ما هيه ومتغيرتش و انت عامل عبيط و تقول كله بأوانه .... يبقي انت اكيد فاهم غلط

لما حركة المحافظين الجديدة تحتفظ بكوتة الداخلية زي ما هية و انت تقول معلش المرة الجاية نشوف الموضوع ده .... يبقي انت اكيد فاهم غلط

 لما كل القوانين تصدر بدون مناقشات زي مباشرة الحقوق السياسية و قانون الاحزاب و فض الاعتصامات و انت ملكش رأيي و ساكت .... يبقي انت اكييد فاهم غلط

لما الجهاز المركزي للمحاسبات يتستر علي دولة فساد و يطلع بعد الثورة رئيسه يقولك انا معنديش عربية و مش لاقي الاكل و انت تصدقه و تقول يا حرام ..... يبقي انت اكيد فاهم غلط

لما النائب العام التابع لمبارك و اللي كان ملفات كتير قدامه بيحطها في الدرج و لغاية دلوقتي ده بيحصل - بلتمس العذر دلوقتي - و انت تأتمنه علي المحاكمات و كأن اللي خلقه مخلقش غيره و كأن استبداله بشخص اخر هيسبب مصيبة و انت بتنام مطمئن .... يبقي انت اكيد فاهم غلط

لما  مصابي الثورة و اللي فقدوا عينهم علشان خاطر البلد اللي انت عايش فيها مش لاقيين علاج و بيتظاهرو قدام مجلس الوزاء علشان يتعالجوا و في نفس الوقت بيعالجوا حسني نفسيا و مقعدينه في مستشفي 5 نجوم و انت لسه مش عايز تنزل الميدان ....... يبقي انت اكيد فاهم غلط

 لما المجلس العسكري يبرر احداث 9 ابريل بان ابراهيم كامل وراها و بعدها بشهر يطلع براءة و المجلس ميعرفناش مين السبب و انت مش عايز تعرف ....... يبقي انت اكيد فاهم غلط

لما المجلس يقول ان الاقتصاد انهار و يبعت للناس علشان يحل المشكلة الاقتصادية و تلاقي كل الناس اللي هناك حزب وطني و سامي عبد العزيز و الست أم برنيطه – بشهادة نوارة نجم – و يقنعوا الناس ان احنا هنفلس و تاني يوم كل خبراء الاقتصاد الوطنيين زي أحمد السيد النجار يقولوا ان الاقتصاد لم ينهار و انه زي ما هوه و انت تصدق بتوع الوطني .... يبقي انت اكيد فاهم غلط

لما يفلقوا دماغنا بالسياحة و هما سايبين المخلوع في شرم واقف حال السياحة و مقعد الناس في بيوتها من غير شغل و انت لسه مصدقهم ..... يبقي انت اكيد فاهم غلط

لما مايكل نبيل يكتب مدونة - لا هتودي ولا هتجيب - في انتقاد المجلس العسكري  و يتحاكم عسكري و ياخد 3 سنين سجن مشدد في السجون الحربية و انت متتعاطفش معاه حتي و تقول يستاهل .... يبقي انت اكيد فاهم غلط

لما المجلس ميبررش اللي حصل في المتحف من تعذيب و اختبارات كشف العذرية للبنات و ميفتحش تحقيق في الموضوع ده  و انت عامل عبيط .... يبقي انت اكيد فاهم غلط

لما يبقي اول ظهور قوي للداخلية في احداث السفارة و يبقي بغرض الانتقام بشهادة كل المتواجدين في المكان و منهم محمد عفت و انت تقول اصل مش وقته المظاهرات قدام السفارة .... يبقي انت اكيد فاهم غلط

لما تعرف ان اللي بيدير مؤتمر الحمار الوطني و الوفاق الوطني اللي هيحددوا ملامح للدستور القادم و سياسات الوزارة في الفترة اللي جاية هما عبد العزيز حجازي و يحيي الجمل اللي عندهم 80 سنة و تابعين للنظام الفاسد و تعرف كمان ان اغلب المدعويين حزب وطني ومحرضين علي قتل المتظاهرين و تعرف ان شباب الثورة و 6 ابريل هددوا بالانسحاب و تاني يوم انسحبوا فعلا و كل ده ميحركش فيك اي حاجة ..... يبقي انت اكيد فاهم غلط

لما تعرف ان في تونس منزلوش ولا مظاهرة بعد هروب بن علي و انهم دلوقتي حالتهم تصعب ع الكافر و محتاجين نفس الجرأة بتاع أول مرة علشان ينزلوا تاني و انت مش عايزنا ننزل ..... يبقي انت اكيد فاهم غلط

لما تعرف ان كل حاجة المجلس العسكري نفذها كانت تحت ضغط المتظاهرين يوم الجمعة من وزارة شفيق لي حل أمن الدولة اللي غيرو اسمه و ضحكو علينا لي محاكمة رموز النظام اللي طلعت وهمية و انت برضه تقولي مش لازم ننزل يوم الجمعة ..... يبقي انت اكيد فاهم غلط

لما يبقي اغلب الناس مقتنعة بالمجلس الرئاسي و نلغي فكرة المطالبة بيه علشان حضرتك تنزل معانا و برضه مش عايز تنزل يبقي انت اكيد فاهم غلط

لما تعرف ان ظباط الامن الوطني ( امن الدولة) رفض الاشراف القضائي علشان يرجع يمارس سفالته تاني معانا و انت مش فارقة معاك ...... يبقي انت اكيد فاهم غلط

لما تلاقي لعيبة الكورة لسه عايزة ملايين و تلاقي الفنانين اللي خانو جمهورهم و نافقو النظام بياخدو ملايين  و انت تقول بارك الله في ما رزق يبقي انت اكيد فاهم غلط

لما تعرف ان كل رجال الاعمال مش بيدفعوا ضرائب و ان الموظفين فقط هما اللي بيدفعوا ضرايب و انت ساكت .... يبقي انت اكيد فاهم غلط

الحياة بسيطة.. ياللي شايف إن نزول التحرير غلط, إتفضل أقعد في بيتك.. الناس اللي شايفة ان الثورة محتاجة لهم هاينزلوا, حتى من غير دعوات.. لو خايف على العجلة بتاعة الإنتاج! التظاهر يوم جمعة! خايف من المجلس الرئاسي, مفيش! زعلان ع الإستفتاء, كلنا نحترم الإستفتاء ونتيجته! نازلين للحق والعدالة ودم الشهدا اللي مش هايضيع طول ما فينا نفس! نازلين نكمّل الحلم! نازلين نقول المصري مش هايطاطي تاني لأى مخلوقٍ كان! عندك مشكلة مع ده؟

انا مكتبتش عن المجلس العسكري زي كل الناس انا كتبت كل اللي في قلبي ... يطلع بقي السبب فيه المجلس العسكري  يطلع الوزارة ... تطلع أمي ... انا مليش دعوة انا نازل و خلاص

دي الحاجات اللي افتكرتها و لسه  فيه غيرها كتير يا ريت تزودوها انتم  

حسبي الله ونعم الوكيل في الظالم و ابن الحرام ... حسبي الله و نعم الوكيل في اللي مش عايز البلد دي تنضف

أنا خلصت كلامي و متأكد ان فيه ناس مش هتفتنع برضه و هتقول ان انتم عايزين تخربوا البلد.... هسيب اللي مقتنعش مع الفيديو ده يمكن يحس بحاجة

السقوط هو المستحيل

سوف تسأل نفسك بالطبع عن من أتحدث و من أقصده بالسقوط و ستزيد دهشتك ايضا عندما تعلم اني اتحدث عن سقوط أم الثورات العربية و اني هنا اشبهها بطائر العنقاء .... و من الممكن ان تسأل نفسك عن طائر العنقاء أيضا فصدقني اني لم أكن اعلم اي شيء عن هذا الطائر الا عندما قامت مجموعة الوايت نايتس المنتمية لنادي الزمالك بتشبيه حال النادي منذ عامين بحال هذا الطائر العجيب الذي يرفض السقوط و الموت دائما و الذي تقول الأساطير القديمة عنه انه عندما تقترب ساعة موته يعمد إلى إقامة عشّه من أغصان أشجار التوابل

ومن ثم يضرم في العش النار التي يحترق هو في لهيبها.

وبعد مرور ثلاثة أيام على عملية الانتحار تلك ينهض من بين الرماد طائر عنقاء جديد.

هذا هو ما حدث مع ثورة الياسمين أو أم الثورات تلك الثورة الملهمة و التي لم تكن لتقم لولا ما حدث مع محمد البوعزيزي الذي أدعوا من يقرأ تلك التدوينة ان يدعوا له بالرحمة و المغفرة و ان يحتسبه الله عنده شهيدا هو و سائر شهداء المسلمين

أري كمواطن مصري ان لثورة تونس الفضل الأعظم لقيام ثورتنا في مصر و قد يختلف معي أغلب النشطاء المصريين - و أنا لست بمنهم - فهم يروا أن ثورة تونس كانت المحفز و ان مصر لديها ما يكفي من الظلم للقيام بثورة و لكني لا أري ذلك فانا ممن ينسبون معظم الفضل لتونس و متاكد انه لو عاد الزمن و لم تقم ثورة تونس فلن تقوم ثورتنا أيضا  و لو بعد 30 سنة أخري .... لذلك أعتقد ان علينا ان نرد الجميل لتونس التي لم نكن نعلم عنها سوي أن الترجي و الافريقي و النجم الساحلي و الصفاقسي هي أقوي الفرق هناك و التي تتنافس علي البطولات و لذلك كنا نعرف ان الشعب التونسي هو شعب عصبي و شجاع و مقاتل كما كنا نري في المدرجات و لم نكن نعلم أبدا عن الشعب الطيب المتسامح و هي صفات جيدة و لكن ليس لها وقت الان في حياة التوانسة او من المفترض ان يكون

تفاعلنا مع تونس بعد نجاح ثورتنا كثيرا فاسبوع بعد الاخر كنا نسمع عن انجازاتكم المتتالية و منها حل حزب التجمع و منع اعضاوه من ممارسة الحقوق السياسية و ايضا حل جهاز الامن القومي او السياسي و اقالة حكومة الغنوشي و غيرها و المتتبع لانجازات الثورة المصرية سيجدها كانت سائرة علي علي درب شقيقتها في تونس الي ان تفوقت عليها الان  ... كنا دائما في مصر نتحمس عند سماع خبر جيد من تونس و نسعي لتقليده عندنا في مصر و كان ذلك من مصادر حماسنا الا ان توقفت الاخبار من تونس فاعتبرنا ان ذلك ما هو الا دليل علي انتهاء ثورة تونس من تنفيذ أهم مطالبها الي ان ظهرت تلك الرسالة الهامة  التي فاجئتنا كمصريين لاننا كنا منشغلين بثورتنا و كيفية القضاء علي بقايا النظام و ايضا بالثورات العربية الاخري التي أدعوا الله لها بالتوفيق.

من هنا بدء الاهتمام بمتابعة أخبار تونس مرة أخري التي تيقنت انها سلبت منهم و انها قد تبدأ من جديد و ربما من الصفر

بالتأكيد لن أستطيع ان احدثكم عن ما يحدث في تونس من سرقة و التفاف علي الثورة  أفضل من هؤلاء الاشخاص تونسي وأفتخر و تونسية ثورية الذين يحرصون علي     مصلحة تونس أكثر من بالتأكيد  ولكني سأكتفي بأن اقول لك انه قد تكون هناك مؤامرات لتنويم الشعب و تأجيل الانتخابات و ارضاء الشعب بحكم العسكر كما هو الحال في الجزائر 

رأيي الشخصي : بعد متابعتي للأحداث في تونس أري انه هناك أولويات للعمل بها و أنا أدعوا من يقرأ تلك الأولويات ان يناقشني بها ان كنت مخطيء.

1_ الدعوة لمسيرات ضخمة للتأكيد علي مطالب الثورة و الضغط لاقالة حكومة السبسي او علي الاقل الضغط لتنفيذ جزء من مطالبكم فتلك الدعوات نجحت جزئيا في مصر بالضغط علي المجلس العسكري لتنفيذ بعض المطالب

أسلوبكم في الدعوة للمظاهرات لا يجب ان يقتصر علي الانترنت و يجب النزول للشارع حتي و لو كانت هناك صعوبات امنية 

2- توعية الشعب التونسي بكيفية اختيار من يمثله في الانتخابات و عمل قوائم للتجمعيين و الملتفين علي الثورة و تعريف الشعب بهم لعدم اختيارهم في اي انتخابات قادمة

3- العمل علي ضمان نزاهة الانتخابات و الاشراف القضائي و الدولي عليها ... أتمني تستعينوا بمصر في ذلك ..... من الاخر تدبسونا في الاشراف عندكم و بلاش الغرب و خاصة فرنسا مش عارف ليه مش مرتاح لفرنسا

4- الاهتمام بالجانب الاقتصادي و عدم اهماله ..... انت لو خيرت معظم الشعب بين انه يجوع و بين الحرية هيضطر لاختيار رغيف العيش
5- التونسيين في فرنسا يا ريت لو بايدهم حاجة يعملوها و يقدروا يساعدوا بلدهم .. بصراحة مش سامعلكم حس و كانكم مش تونسيين ....  لو غلطان اي حد ممكن يصححلي 

يا ريت اكون قدرت اقدم حاجة لتونس  و نتمني التوفيق لكم يا رب ... احنا ملناش الا بعض و سوريا لما تتحرر ان شاء الله و المغرب و العراق و الاردن و الجزائر لان باقي الدول العربية  -  الخليجية - شعوبها فرحانة انهم دلاديل لأمريكا و الغرب

  اذا الشعب يوما أراد الحياة ..... فلابد ان يستجيب القدر 

     ولا بد لليل أن ينجلي ........ ولابد للقيد أن ينكسر

Osama Binladen death

It is a conversation between my friend and a friend of him who is in america since he was 13 years old and now he is a solider in the american army that called marins
my friend is called ezz and the american solider is called omar
I  will be grateful if U read till end
let's go

Omar : we cant be friends man
sorry man, your profile pic is bin laden
i dont care what you think
he wasnt a muslim
he killed muslims

Ezz : u r conned man ...like all americans...ben laden has nothing to do Charges that ur government pretend....thats my opinion ...and u have to respect it

Omar: no i dont, even if he didnt do 9-11, convincing muslims to commit suicide to akin to killing them

Ezz: u r conned man ...like all americans...ben laden has nothing to do with all Charges that ur government pretend....thats my opinion ...and u have to respect it
let ask u a question...answer me honestly plz...as a muslim if one of ur frnds...has BUSH on his profile pic...would u tell him what u told me right nw
knowing that ben laden diidnt commit what BUSH comiited with muslims

Omar : yeah
honestly yeah, i would call him an idiot and we couldnt be friends

Ezz : the same bullshit that the mainstream media has been
feeding people for years , osama bin laden sent airplanes, did this , did that , dead , what next ? , and of course
there are people who take easily these lies and beleive whatever is said , well now he dead ,, but her's the fact ...
it was just lies to shift peoples attentions from seing
what's really happening

Omar: yeah he did
you just want to belive him to be some sort of hero, because u want one, nothing else, you cant look at this emperically, or intelligently in any way

Ezz : ok man ...i respect ur answer
ur right ..we cant be frnds

Omar : how about news that isnt from the media?
how about news from somthing called FIRST HAND INTELLIGENCE, thats what im talking from, you are the one talking from media, you have no fucking idea who is who huh

Ezz: how come man....all the media around me chrages him...how come

Omar: because thats what people want to hear, if the media played everything truthfully, they wouldnt be in buisness, they have to play what people want to hear
DIFFRENT THEN ACTUAL INTELLIGENCE REPORTS

Ezz : and what could he benefits from doing so...if he benefits...what about the other beneficiaries

Omae: who can benifiet from what?

Ezz: who can benfit from accusing an moslem for 11/9

Omar: he isn't a muslim , he is a head of a terrorist gang that was terrorising the land around afganistan from BEFORE 11/9, but 11/9 was an excuse for us to do something about it

Ezz: no he was a commander for the resistance against the soviet army...and ur country was supporting him...this doesnt make any sense for u
who made taliban
read the history

Omar : actually it does, we do stuff like that all the time, we support local troops against our commen enemy. BUT, bin laden got it in his head that he wanted more power, more control, and thats when he started to want to control by fear, by terror, hence the term TERRORIST

Ezz: no "BUT...he became useless and might be dangerous on our interests...as he became a public hero in afghanestan.." thats what ur government really said...but in secret ofcourse
and this what happen also with sadam
as i told u before ...u always had a good cause when u want to occupy any country...(i dont mean u as 3omar)

Omar: he wasnt a public hero, he was a boogie monster in afganisatan, people feared him, as for sadam, do i really need to talk about this? his own people hung him.

Ezz: as i told u before ...u always had a good cause when u want to occupy any country...(i dont mean u as 3omar

Omar: its not an occupation, we really dont want to be there, no american says I WANT TO STAY IN AFGANISTAN YAY! no, but we HAVE to be there so we can hunt terrorists and the whole FUCKING world can go to sleep at night

Ezz: ohhhhh ...his people...what a nice joke

Omar: not a joke, it was his people that tried him in court, it was his people that found him guilty, and it was his people that killed him, all we did was find what hole he was hiding in

Ezz: let us suppose u r right...what about killings innocents with ur shells...isnt it a sort of terrorism

Omar : its a causualty of war, read your history, since the begining of time there have been casualties of war, people who were in the wrong place at the wrong time, we dont MEAN to kill them and we try to protect them at every turn, we stopped using air strikes, we built them better shelters, it doesnt make our jobs easier, but we do those things anyway

Ezz : what wrong place ....u mean that they were near a militarian region....u ve attacked civilian targets...this mean that you intended to kill innocents....since what home is the wrong place

Omar: the wrong place as in anywhere near alquida operatives, and we have attacked civilian targets, by ACCIDENT, if you home hides terrorists, its the WRONG PLACE TO BE

Ezz: this is ur problem ....u have an excuse for any crime u commit...how come hides terrorist..this mean that they r terrorist also or they didint cnosider them terrorists...u killed unarmed people with ur shells man...it is the same like what happen in 11l9
how many dead in 11 september in the USA...and compare it with how many daed in afganestan and iraq...compare between what g.w bush and bush the father did and what benladen did...american government and presidents is a real terrorism

Omar: no its not the same
accidently hitting the wrong target and throwing a plane into a building twice is NOT the same thing

Ezz: the word ACCIDANTLY may be good and narcotic...for one or 2 or 3 times...but not for uncountable number of times & un countable number of victims
it was intented man

Omar: no it wasn't, we make mistakes, and the ones who shoot those shells, your age and younger, no conspiracy

Ezz: They kindda brain washed the american ppl not all all of them but most they brain washed them like "we are fightin terrorist oh here is bin ladin in afghanistan we want him dead he is the real terrorist we are good and they are bad :/ " Lame right ..... They are hiding their real characters behind those ppl ,,,,,,,,,,,,, they are the terrorist America and Israel ,,, they day will come ! And all the facts will show up
and when that day came ...and u know the truth...u have to add me again as a friend

Omar : sure, belive all that, becaue you want to, know that none of what you say is true, and goodbye, i feel like im talking to a wa

Ezz: good bye bro
and when that day came ...and u know the truth...u have to add me again as a frnd
meeet to...mutual feeling
bye

so i am in the side of Ezz and if you with omar side U still have a chance to convince me

هل سنترك أسود الأطلسي تزئر وحدها

منذ أن اندلعت ثورة الياسمين  التونسية المباركة و كما سماها البعض أم الثورات و أنا منهم الا و استنشق رائحتها كل الوطن العربي و بالطبع كانت مصر الرائدة دائما وأبدا هي أول من استجاب للتوانسة المطالبين بتكسير القيود المفروضة علي أبناء هذه الشعوب من قمع و ذل و مهانة  

تحرك بسرعة رهيبة النشطاء و المدونون المصريون للدعوة بما يسمي يوم الغضب للتعبير عن رفض قانون الطواريء و اقالة وزير الداخلية حبيب العادلي بعد ان استقر في موقعه 13 عاما  و سرعان ما استجاب لهم أبناء شعبهم الذين فاض الكيل  بهم من الذل و العار اللاحق بهم أينما ذهبوا و الذين لم يكتفوا أيضا بما طالب به النشطاء و انما طالبوا بما هو أكبر من ذلك طالبوا بما يضمن لهم حياة كريمة و مستقبل قريب أفضل من ذلك الحاضر البائس ... طالبوا باسقاط النظام 

ما ان انتهت ثورة 25 يناير بكل ما تحمل من لحظات حزن و ألم علي أرواح شهدائنا ممزوجة بالأمل و الفرحة و السعادة علي عدم ضياع دمهم هباءا الا و اندلعت الثورات في وطننا العربي كالنار في الهشيم . فمن ليبيا الي اليمن مرورا بالبحرين ثم عند سوريا و أيضا الأردن و أخيرا و ليس أخرآ موريتانيا 

و لعشقي للمغرب و شعبها تسائلت لماذا لم تمر رياح التغيير بالمغرب رغم قرب ثقافتهم من أخوانهم في تونس و اذا بالرد جاء سريعا في  ال 20 من فبراير اي بعد نجاح ثورتنا بتسعة أيام فقط

 طالب المغاربة بتعديلات دستورية و اصلاحات عامة ضد الفساد و هذه مطالب حركة 20 فبراير   

وجاء الرد من  الملك محمد السادس في التاسع من مارس  فوعد بتغيير في الدستور و بعض الاصلاحات العامة التي دائما ما يعد بها كافة الزعماء العرب و لكن هيهات هيهات ان يحققوا و لو جزء صغير من تللك الوعود الزائفة 

 

  عندما سمعت ذلك الخطاب الذي وصف حينها بالتاريخي لجلالة الملك كنت متأكدا أنه لن يفرق كثيراعن خطابات مبارك لنا في مصر و التي انخدع بها جزء من الشعب طيلة 30 عاما و كانو  منخدعين بها أيام الثورة

المهم اني تصفحت بعض المواقع الناقلة للخبر و منها علي سبيل المثال  فرانس24 و أيضا مش عارف اسمه بصراحة بس جايب حاجات في الاخر بتحصل دلوقتي

أكثر ما جذب انتباهي حينها تللك الجملة " واوضح الملك المغربي ان "اللجنة الاستشارية للجهوية التي كلفناها منذ الثالث من كانون الثاني/يناير من السنة الماضية بإعداد تصور عام لنموذج مغربي للجهوية المتقدمة" "اقترحت في نطاق التدرج امكانية اقامة الجهوية المتقدمة بقانون، في الإطار المؤسسي الحالي، وذلك في أفق انضاج ظروف دسترتها"

اهه كلفناها و هنا مربط الفرس  فقط و قع في الخطء الذي وقع فيه كل من سبقه من الرؤساء و الملوك و هو التكليف المباشر الذي لن يرضي عنه أي من الشعوب الثائرة و الطالبة لحقوقها من قبل و خاصة أن ثورتي مصر و تونس لم تكن قد نسييت بعد و كان بها نفس الوعود و التكليفات المزيفة علي الأقل من وجهة نظري  و ذلك لإيماني أن الحرية لا تعطي و انما تكتسب

و لكني عندما علمت بترحيب الشارع المغربي بذلك الخطاب الذكي الغبي في نفس الوقت . قلت لنفسي و أنا مالي هم يعرفون مصلحتهم أكثر مني بالتأكيد و تذكرت المثل المصري الشهير الذي يناسب مثل تلك المواقف " جحا أولي بلحم طوره" ولا أقصد هنا أية إهانة لأي شخص و انما هو مثل عام 

أثار قلقي قليلا تخوفات حركة 20 فبراير الداعية للإصلاحات و لكن لم أتوقف عند تلك التخوفات كثيرا و خاصة أننا في مصر كنا نواجه حركة مضادة لثورتنا و لم نكن حققنا مطالبنا بعد و أيضا تداعيات ما يحدث في ليبيا - كان الله في عونهم - جعلتني أغفل عما يحدث في المغرب البلد التي ولدت لأجد نفسي أحبها ثم جاءت اليمن و سوريا لأنسي موضوع المغرب  تماما

مرت الأيام سريعا و اذا بيوم 17 أبريل عندما كنت أتابع قناة الجزيرة لأجد أن المظاهرات تجددت مرة أخري و بطريقة أكثر تنظيما 

توقفت عند النقطة التي تخوفت منها منذ أقل من شهرين و هي التكليف ... الآن لا يرضي الشارع المغربي بعمل اللجنة الستشارية المكلفة بتعديل الدستور  و أيضا هم لم يلمسوا  أي نوع من أنواع الاصلاحات التي وعدهم بها الملك من قبل  كما عرفت أيضا أن المغرب تعاني من تفشي الرشوة و الفساد و تدني خدمات الصحة و التعليم  . 

بالطبع كانت هنكا نقاط ايجابية أعرف منه مثلا الإفراج عن المعتقلين السياسين و الاسلاميين مثلما فعل النظام السوري  و لكني تسائلت عن سبب اعتقالهم من الأساس

لا حول و لا قوة الا بالله العظيم .. أليس هذا ما كان يفعله أمن الدولة في مصر و ايضا في تونس  من تلفيق للتهم و التخلص من كل ما هو اسلامي أو سياسي ... صراحة ازداد خوفي أكثر من أي وقت مضي عن ما يحدث في المغرب و علمت انكم أمام مشوار طويل لا يقل طولا عن نظيره المصري و التونسي ... عفوا .. عن نظيره العربي فقد اكتشفت ان نظم الحكم كانت واحدة مع اختلاف الأشخاص فمنهم من هو غبي و مجنون مثل القذافي و منهم من هو ممثل مثل بشار الأسد الذي يتظاهر بمقاومة اسرائيل و هو لم يتحرك مطلقا لتحرير الجولان المحتلة و منهم من هو كذاب مثل حسني مبارك الذي ظل يكذب علي شعبه 30 عاما و منهم الشاويش اليمني و منهم الهارب الجبان التونسي و أخيرا الذكي المغربي فأنا اعترف انه أكثر ذكاءا من أصدقاءه ...

 في النهاية اترك لكم  تذكيرا بأهم مطالب حركة 20 أبريل   و أتمني لكم النجاح و التوفيق في تحقيق مطالبكم بأقل أضرار ممكنة و بدون خسائر ان استطعتم و بالتفاوض ان أمكن فأهل مكة أدري بشعابها  

تحيا المغرب حرة 

خلاصة القول في أحداث مباراة الافريقي التونسي

   دخلة الفرسان للثورة المصرية التونسية
 ده أول دليل علي الاحتفال بثورات العالم العربي و بمصر و تونس علي وجه الخصوص و الدليل ده من الوايت نايتس ....... طييب و جمهور الزمالك العادي  برده مفوتش الموضوع كده و احتفل باخواتنا في تونس و الدليل اهوة

ده حتي فرسان الوايت نايتس منسوش يفكرو العالم العربي بالنتفاضة الفلسطينية التالتة القادمة و رفعنا البنر ده

و قلنا .... علي القدس رايحين شهداء يا فلسطين
دي بس مقدمة لاثبات حسن نوايا جمهور الزمالك قبل المباراة

أنا كنت في ستاد القاهرة النهاردة
واقسم بالله دة اللي حصل ... اللي حصل كان مؤامرة مدبرة شبه موقعة الجمل بالظبط ... الشرطة بتفتح الباب للجمهور ينزل من بوابات معينة الدرجة التانية شمال والدرجة الثالثة يمين ... شباب الألتراس منزلوش الملعب اللي نزل ناس بعينها وعارفين بعض وبعد كده نتيجة للفوضي ناس كتير نزلت من غير سبب و منهم ناس من الالتراس بس نازلين من غير هدف  ... بجد لازم القضاء على ديول النظام ... فعلا نجحوا في تشويه الثورة المصرية
كان لسة فاضل اربع دقايق لو عايزين ننزل هنزل بعد الماتش واللي نازل عشان يضرب تونسي ولا جزائري وخد بالك من تونسي وجزائري لية تخرب وتكسر الملعب
ف ثانية الناس نسيت موقف الوايت نايتس ف الثورة وثالوا هيخربوا الملعب


واقسم باللة الناس اللى بوظوا الماتش دول زى بتوع موقعة الجمل اللى كانت فى تحرير بلاش تعصب وفكروا فى موضوع بالعقل كدة جماهير الزمالك هتبقي لبسة جلابية ومعاة اسلحة طب ماحنا ياما خسرنا عمركوا شوفتونا عملنا كدة



ماحدث
الهدف منه ليس تسخين العلاقات بين البلدين
الهدف من (الثوره المضادة) اللي كلنا بنقول عليها
أنها تشغلنا عن ملاحقة الفساد
و ده الهدف الأكبر اللي مكنش واضح لنا قبل كده
...ننشغل بأصلاح العلاقات بين البلادين
زي ما اتعمل من اسابيع فتنة طائفية.
و شغلوا الرأي العام فتره لتهدئة الجو بين المسلمين و الأقباط
بدل من محاكمة الفاسدين!


  و بمحاكمة مبارك و صفوت و سرور و عزمي


انا بقول اهوة الوايت نايتس وجمهور الزمالك مالوش علاقة باللي حصل
اللي حصل كان مدبر
بدليل محدش فتشنا
فتحوا الابواب من داخل الملعب عشان الناس تنزل
ومحدش ينسي دور الوايت نايتس ف الثورة
الوايت نايتس استشهد منة3 ثوار
والقوي السياسية ف مصر عارفة الوايت نايتس عمل اية ف الثورة كويس

...مش هنضيع مجهودنا ع الفاضي
هما عاوزين الناس تقول هي دي شباب التحرير وملعون ابو الحرية ومالهمش الا العادلي

لو الامن ساب الناس الي ساعدته النهارده في اجهاض الثوره يبقي انتظروا ثوره اقوي مني الي كانت في التحرير

ده اللي هما عايزينه ... ركز مع المخرج و هو بيملي المذيع يقول ايه

المخرج يهاجم الثورة ..... محمد نصر تقريبا

هما عايزين الناس الغلابة تبقي زي شاب الثورة المضادة ده

شاب ثورة مضادة

و الدليل برده ان تليفونات و متعلقات لاعيبة الفرقتين اتسرقت كلها .... طيب لو ده فوضي عادية ايه اللي هيدخل الجمهور يسرق .......... الحكاية بدأت منظمة زو بعد كده في جماهير عادية نزلت بدون سبب لما لقت الابواب الصفرا بتاعت الطواريء مفتوحة و كان في ناس نازل تتصور في الملعب و ناس نازلة تبوس اللعيبة و نالس نازل كد و خلاص و ادي الراجل ابو جلابية بنفسه هيقولكم

   أبو جلابية الغلبان
بس الحمد لله اللعيبة التوانسة كانوا مقدرين الوضع و شكروا لعيبة الزمالك علي حمايتهم ليهم و شكروا بعض الجماهير اللي حمتهم
التوانسة الجدعان الفاهمين
 مدرب الأفريقي يوضح الموقف
و ده رد رئيس الأفريقي التونسي و مسئولي الزمالك
بعد ما خلصنا كل حاجة ووضحنا الامور و الجانب التونسي تفهم ممكن بقي نشوف ايه اللي حصل أصلا
اجتياح الجماهير للملعب
من مصر النهارده

كيف تصبح مثقفا

ليس من الصعب أن تكون إنساناً مثقفاً.......... وإذا لم تكن ذلك فيمكنك اكتساب هذه الصفة بسهولة وذلك عن طريق بعض المجهود القليل منك وبعض النصائح التالية :

1- قراءة لمدة عشر دقائق يومياً.


2- سماع شريط مفيد.


3- حضور محاضرات ودورات بمعدل محاضرة على الأقل كل ستة أشهر.


4- تعلم لغة جديدة.


5- اجعل التميز هدفك في العمل.


6- الاستيقاظ مبكراً واستغلال هذا الوقت في تدوين فكرة جديدة، والقيام بعمل محبب إلى النفس.


7- الاحتفاظ بمفكرة صغيرة قريبة من السرير ويدوّن بها الأفكار الطارئة قبل النوم فهي تعتبر هدية من العقل.


8- قبل النوم يجب التوجه بسؤال إلى النفس، هل تريد هذا اليوم أن يعود مرة أخرى ؟!

هل أنجزت شيئا فيه


؟! هل تريد أن تقوم بطريقة مختلفة في اليوم التالي ؟!



9- قيم يومك دائماً وسترى النتيجة.



10- أخيراً دع لنفسك المجال لتجرب ولا تقيدها، ومع الأيام ستتحول إلى الشخصية التي تحبها.

من منتدي عمرو خالد